泛民內訌點爭普選？

急進嘅人民力量同社民連，幾年間，黃毓民、陶君行、梁國雄同陳偉業等人離離合合，有人甚至公開罵戰，已經唔係同一條心。除此之外，佢哋又恨“泛民”中嘅其他人過於溫和，常常倒佢哋嘅臺。溫和派中，公民黨入边，梁家傑同湯家驊意見相左，並唔係今日嘅事。
　　泛民主派因佔領行動一役，令激進勢力進一步抬頭。其中分屬溫和泛民、人稱「大話湯」嘅公民黨議員湯家驊多次開列政改「袋住先」條件，最新一次訪問更炮轟泛民唔適合從政，亦冇乜政治智慧，認為大聲疾呼推翻人大常委會「八三一」決定冇意義；資訊科技界議員莫乃光同民主黨前副主席狄志遠（Dick）亦疑似發表「袋住先」言論，惟三人嘅言論一出都難逃泛民同道中人開火還擊，顯示泛民內部矛盾無日無之，要團結爭取真普選真係无從說起。
範國威，本係民主黨第二梯隊少壯派成員，與黨內第一梯隊老大哥唔咬弦，結果離黨另組新民主同盟。民主黨入边，最近又有黃成智（Charles）勸黨友支持特區政府嘅政改“袋住先”方案，致辭去中委一職……如此種種，都是有眼共睇嘅內訌典型。咁樣睇來，未來“泛民”將有更多嘅內訌會陸續出現。
    除此以外，Charles同Dick日前亦發表疑似「袋住先」嘅言論，其中前者話即使依家要「袋住爛橙」，屆時有機會拿「靚橙」回來，但好短時間內就轉口風，重申唔會接受人大決定框架下嘅政改方案；後者則话開腔亦即時俾人圍插。
    民主黨主席劉慧卿出席論壇時話，尊重議員表達嘅自由，但黨內無討論過大話湯嘅建議，亦唔會接受政府假借普選功能界別甩身喎。話時話，政府嘅政改決議案都未出臺，泛民內部已經鬧得四分五裂，相信好戲一定會陸續有來。